उकडीचे रवा-नारळाचे लाडू: सुजीके लड्डू दिवाळी फराळासाठी. उकडीचे रवा-नारळाचे लाडू हा एक लाडूचा नवीन प्रकार आहे. हे लाडू स्वादीस्ट व छान मऊसर लागतात. आपण रवा-नारळाचे पाक बनवून लाडू बनवतो. अश्या प्रकारचे लाडू बनवतांना रवा व नारळ साजूक तुपामध्ये मंद विस्तवावर भाजून घेतले आहे व कुकरमध्ये बंद डब्यात ठेवून तीन शिट्या काढून घेऊन थंड झाल्यावर पिठी साखर घालून लाडू बनवले आहेत. ह्या मध्ये वेलचीपूड न वापरता रोझ ईसेन्स वापरला आहे त्यामुळे चव व सुगंध खूप छान आहे. बनवण्यासाठी वेळ: ६० मिनिट वाढणी: १८ लाडू बनतात साहित्य: २ कप बारीक रवा १ कप नारळ (खोऊन) १ १/२ कप पिठीसाखर १/४ कप साजूक तूप थोडे बेदाणे १/४ टी स्पून रोझ ईसेन्स Ukadiche Rava Naralache Ladu कृती: एका मध्यम आकाराच्या कढई मध्ये तूप गरम करून रवा मंद विस्तवावर भाजून घ्या. रवा भाजून झाल्यावर त्यामध्ये खोवलेला नारळ घालून परत ५-७ मिनिट मंद विस्तवावर नारळ व रवा भाजून घ्या. (रवा चांगला भाजला गेला पाहिजे पण जास्त गुलाबी रंग येत कामा नये.) एका घट्ट झाकणाच्या डब्यात भाजलेले नारळ-रव्याचे मिश्रण, बेदाणे (किसमिस) ठेवून, डब्बा कुकरमध्ये ठेवावा व कुकरचे झाकण लावून ३-४ शिट्या काढाव्यात. कुकर थंड झाल्यावर डब्बा काढून आतील मिश्रण परातीत काढून थोडे थंड झाल्यावर त्यामध्ये पिठी साखर, रोझ ईसेन्स घालून मिक्स करून थोडे मळून घ्यावे. मग त्याचे [...]
The post Ukadiche Rava Naralache Ladu Recipe in Marathi appeared first on Royal Chef Sujata.